Почитувани пријатели,

 

Најнапред, дозволете ми да Ви посакам срдечно добредојде на нашиот WEB портал. Порталот е одлично место на кое можеме да се дружиме, да прочитате квалитетни информации, да се рекламирате, да видите и да бидете видени.

 

Се зафативме со мојот тим, повеќевековната богата винска приказна на малото, но прекрасно гратче Демир Капија, преку нашето здружение „КРАЛСКИ ВИНСКИ БАЛ - Демир Капија“, квалитетно да ја спакуваме и да ви ја раскажеме.

 

Во современиот дел од приказната стои дека, благодарение на кралската династија Караѓорѓевиќ, демиркапиското вино се консумирало на сите кралски дворови во Европа, уште во 1928 година. Во Демир Капија е изградена првата современа визба на Балканот, со капацитет од 150.000,00 литри вино, која постои и работи и денес.

 

Меѓународниот вински фестивал „КРАЛСКИ ВИНСКИ БАЛ - ДЕМИР КАПИЈА“ го подготвуваме  за месец септември 2023 година. Подготвуваме богат пакет на содржини, за сечиј вкус и возраст. Уверени сме дека дружењето и забавата ќе бидат врвни, и ќе се паметат.

 

Чест ми е и задоволство, да Ве поканам да бидете дел од првиот Меѓународен вински фестивал „КРАЛСКИ ВИНСКИ БАЛ - ДЕМИР КАПИЈА“, и дел од винската приказна. Повелете да се дружиме и да уживаме во квалитетните вина од Македонија и регионот и во специјалитетите на извонредната демиркаписка и македонска кујна.

 

На 2ри и 3ти септември 2023 година, сите патишта нека ве водат во Демир Капија.

 

Срдечен поздрав.